Një nga frutat më të preferuara të stinës së vjeshtës është ftoi, të cilin e gjejmë me shumicë dhe me çmim mjaft të ulët gjatë kësaj periudhe. E meqë mundësitë i kemi, përse të mos përgatisim një komposto të shijshme me këtë frut?
Përbërësit:
1 kg ftonj,
400 g sheqer,
lëng limoni
Përgatitja: Ftonjtë i presim në katrorë me thikë të dhëmbëzuar ose të thjeshtë. Ziejmë shurupin me sheqer dhe ¾ litër ujë për 15 minuta në flakë të ulët. Shtojmë limonin, nëse ftonjtë nuk janë shumë të thartë. Hedhim ftonjtë dhe i lëmë të ziejnë për 10 minuta.
Mbushim kavanozat e sterilizuar me ftonjtë e kulluar, mbi të cilët hidhet shurupi i nxehtë. Kavanozat i mbyllim me kapak, bëhet pasterizimi për 25 minuta qe nga çasti i vlimit./tesheshi.com/
