Shpesh ekspozimi i gabuar ndaj diellit dhe llambave nxirose mund të shkaktojnë shfaqjen e shenjave diellore në lëkurë. Zonat më të prekura janë fytyra, duart, qafa dhe dekolteja. Për të parandaluar daljen e këtyre shenjave është mirë të mos e ekzagjerojmë me ekspozimin në diell dhe të aplikojmë gjithmonë një krem nxirës me faktor të lartë mbrojtës. Nëse shenjat nga dielli janë shfaqur tashmë, mos kini frikë, pasi ekzistojnë disa metoda natyrale, të afta për t’i bërë këto shenja më pak të dukshme.
Limoni
Limoni ka përfitime të shumta për bukurinë dhe ndihmon shumë në eliminimin e shenjave në lëkurë. Falë vetive të tij zbardhuese, nëse aplikohet direkt në pjesën ku është njolla, do të eliminojë qelizat e vdekura, duke e bërë lëkurën më të ndritshme dhe duke hequr në mënyrë të ngadaltë çdo njollë të mundshme. Disa pika limon bashkojini me disa pika ujë trëndafili dhe aplikojini në zonat ku keni njollat, përpara se të shkoni për të fjetur.
Aloe vera
Xheli i aloe verës është shumë i rëndësishëm për tu thënë lamtumirë shenjave të krijuara nga ekspozimi i gabuar në diell. Dendësia e xhelit është shumë e rëndësishme për të marrë efektin e dëshiruar.
Bima gentiana
Nëse ju pëlqen të përdorni produktet që i bëni vet për të pastruar lëkurën nga shenjat e diellit, atëherë në ndihmë mund t’ju vijë edhe një lule ngjyrë blu, e njohur me emrin gentiana. Përdorni rrënjët e kësaj bime për të bërë pak çaj. Pasi të ketë zier mirë, bëni mirë që ta filtroni çajin. Pasi të ftohet, aplikojeni në pikat ku shenjat janë më të dukshme dhe më pas do të vini re se ato pak nga pak do të eliminohen.
Vajrat esencialë
Nëse nuk keni shumë kohë për tu marrë me trajtimet natyrale për fytyrën, mjafton që të shtoni në kremin tuaj hidratant pak vaj esencial karote apo vaj esencial selinoje. Mjafton një pikë e aplikuar në mënyrë të përditshme për të evituar shenjat./tesheshi.com/
