16 persona me simptoma të helmimit nga ushqimi janë shtruar në Klinikën Infektive të Shkupit. E gjitha ka ndodhur pasi ata kanë ngrënë hamburgera në një restorant për ushqime të shpejta, “Sedmica” në Karposh të Shkupit.
Ministria e Shëndetësisë thotë se është kryer mbikëqyrje inspektuese në objektin i cili tani është i mbyllur.
Nga ekspertiza është konstatuar se gjendja e përgjithshme higjieno-sanitare është e mirë dhe se aty nuk bëhet përgatitja e ushqimit. Përgatitja e ushqimit bëhet në tjetër lokacion dhe me dy automjete transportohet deri në dyqan dhe në disa objekte tjera në Shkup.
Nga Ministria thonë se po vazhdon ekspertiza për gjetjen e arsyeve se si ka ardhur deri te helmimi i klientëve.
Kujtojmë se “Sedmica” është njëra nga restorantet më të njohura për përgatitjen e hamburgerëve në Maqedoni. /tesheshi.com/
