Kuvendi zhvilloi një seancë maratonë, që zgjati rreth 24 orë, ku u debatua mbi programin e qeverisë “Rama2”. Por një detaj që duket se ka tërhequr vëmëndjen ka qenë mospjesëmarrja e Erjon Braçes në këtë debat.
Deputeti socialist ka bërë thjesht detyrën duke votuar mëngjesin e sotëm për kabinetin qeveritar dhe si rrallëherë nuk ka preferuar të përfshihet në diskutime.
Kryetari i komisionit parlamentar të Ekonomisë para publikimit të përbërjes së qeverisë shihej si një prej emrave që mund të merrte drejtimin e Ministrisë së Bujqësisë, pozicion që Rama ia besoi Niko Peleshit.
Dhe ndoshta ky është momenti që Braçe ka pësuar zhgënjimin nga kryeministri. Gjithsesi në dallim nga seanca ku votohej për kreun e Kuvendit, në të cilën Braçe nuk u paraqit, në atë për qeverinë ai nuk ishte aktiv, por kartonin jeshil ia dha.
Dhe çmund të bënte tjetër, kur kryeministri ka bërë një paralajmërim të qartë për të votuar dhe mbështetur qeverinë nga të gjithë deputetët e grupit parlamentar.
Por veç kësaj, Rama ka të sigurta edhe 4 vota të PDIU dhe PSD, çka është e vështirë që ndonjë deputet brenda rradhëve të socialistëve mund të rrezikojë qeverinë. /tesheshi.com/
