Është shqetësues fakti se, që nga viti në vit ka gjithnjë e më shumë fëmijë me deformime në shpinë. Ato lindin për shumë arsye, dhe një nga deformimet më të zakonshme është edhe skolioza.
Parë nga mbrapa, në nivelin frontal, shpina duhet të jetë e drejtë. Skolioza është një lakim anash i shpinës në njërën ose tjetrën anë. Në shumicën e rasteve ka një shkak të panjohur, kështu që progresi i tij është i paparashikueshëm, gjë që e bën shumë të vështirë për tu trajtuar. Mund të ndodhë në moshën më të hershme, në faza të rritjes intensive, në pubertet, ose në fund të rritjes. Scolioza mund të ndodhë përgjatë gjithë shpinës, duke filluar nga qafa, gjoksi dhe pelviku, dhe ato zhvillohen gradualisht, janë pa dhimbje dhe progresive. Skolioza është e ndarë në funksionale dhe strukturore.
Te fëmijët në moshën më të hershme, deri në pubertet, skolioza funksionale është pasojë e mbajtjes jo të rregullt të trupit, sipërfaqeve të papërshtatshme të punës (tavolina e punës), shtretërve të papërshtatshëm, çantës së tepërt të nxënësve, tabaneve të rrafshtë, mbathjeve joadekuate, pozitës joadekuate të trupit gjatë qëndrimit në bankat shkollore, si dhe qëndrimin e kërrusur, animi në njërën anë, të ulur në krye të karriges, etj.
Në rastet e skoliozës strukturore, ekziston një ndryshim në strukturën e rruazave kurrizore dhe është shumë karakteristike që ajo të zhvillohet së bashku me organizmin. Me reagimin në kohë të prindërve dhe mjekëve, ky lloj i skolizës mund të korrigjohet plotësisht.
Mësimi i edukimit fizik është i një cilësie gjithnjë e më të keqe, prandaj fëmijët nga mosha më e hershme duhet të mësojnë zakone që përmbajnë aktivitete të rregullta fizike, përmes sportit dhe ushtrimeve shtesë në shtëpi. Skolioza duhet të vihet re dhe trajtohet me kohë, sepse neglizhimi i këtij problemi çon në patologji serioze në boshtin kurrizor, si: diskus hernia, ishiasi, formimi i osteofiteve, prishja e kërcit të nyjeve, etj. /tesheshi.com/
