Parlamenti Evropian bëri thirrje të enjten për sanksione kundër ish-kancelarit gjerman Gerhard Schroeder për lidhjet e tij biznesore dhe politike me Rusinë, raportoi agjencia e lajmeve dpa.
Rezoluta e PE thekson se sanksionet e BE-së të vendosura pas pushtimit rus të Ukrainës duhet të shtrihen tek “anëtarët e bordit evropian të kompanive të mëdha ruse dhe politikanët që vazhdojnë të marrin para ruse”.
Schroeder ishte kancelar nga viti 1998 deri në 2005, përpara se të fillonte punën për Nord Stream dhe Gazprom të Rusisë, ndër të tjera.
Koalicioni qeverisës gjerman i udhëhequr nga socialdemokratët (SPD), parti së cilës i përket edhe Schroeder dhe që dikur e drejtonte, do t’i heqë të drejtat e veçanta që gëzon si ish-kancelar.
Opozita pretendon se Shrëder po dëmton reputacionin e Gjermanisë në botë, sepse ai nuk u distancua nga presidenti rus Vladimir Putin dhe sepse ai mbajti detyrat e tij në kompani të ndryshme ruse të energjisë.
Kryesia e SPD-së i bëri thirrje të largohej nga partia. Disa madje kërkuan që ai të dëbohej.
Lëvizja e Parlamentit Evropian është kryesisht simbolike sepse Këshilli Evropian ka fuqinë të vendosë sanksione, kujtojnë agjencitë. /tesheshi.com/
