Parti të ekstremit të djathtë me pritje euroskeptike, mu për shkak se kundërshtojnë traditën politike europiane, kanë lidhur një aleancë mes njëra-tjetrën në Milano për të mundësuar krijimi e një grupi të tyre parlamentar në Parlamentin e ri Europian që do të dalë nga zgjedhjet e pritshme të majit.
Në krye të kësaj aleance është AFD-ja gjermane dhe LEGA italiane e Salvinit. Ky i fundit është dhe inisiator i këtyre lëvizjeve politike, duke shfaqur dhe nervin më të lartë euroskeptik kohëve të fundit, një kokëçarje më tepër për Brukselin.
Grupi i ri do të quhet Aleanca Evropiane e Popujve dhe Kombeve – EAPN, njoftoi në Milano, kreu i AFD-së së Joerg Muethen, në një konferencë shtypi me Matteo Salvinin.
“Ne jemi zgjeruar me euroskeptikët për një ëndërr të re evropiane. Sot, për shumë qytetarë dhe shumë njerëz, Evropa është një makth e jo një ëndërr”, tha Salvini.
Tani për tani, atyre u janë bashkuar parti të ngjashme daneze dhe finlandeze, me synimin për t’u zgjeruar dhe me partnerë të tjerë.
Nga Milano, përfaqësuesit e katër partive u bënë një “ftesë të hapur” të gjitha palëve euroskeptike, të cilat aktualisht janë të ndarë në tre grupe në PE, që të bashkuar me EAPN-në.
Në Milano munguan përfaqësues të Frontit Kombëtar të Francës nën udhëheqjen e Marine Le Pen, si dhe ato të Partisë së Lirisë Austrisë – FPO. Por këto dy forcat, ndër më të zëshmet në arenën politike europiane, kanë konfirmuar se do të bashkëpunojnë me LEGA-n në të njëjtin grup në PE.
Forca të tjera të krahut të djathtë dhe populiste që nuk kanë qenë në Milano deri më tani kanë refuzuar të formojnë një aleancë formale me LEGA-n e Selavinit.
Midis tyre është dhe partia Fidesz e kryeministrit hungarez Viktor Orban dhe partia polake Ligj dhe Drejtësi – PiS. /tesheshi.com/
