Ka ndaluar vetëm me një plagosje saga e vrasjeve në Vlorë, pasi atentatorët kanë dështuar në shënjestër.
Kështu, Edison Begaj, ka qenë me fat, pasi ka vijuar jetën pas një breshërie ku plumbat e kanë kapur vetëm në këmbë.
38-vjeçari Begaj nuk është një emër i panjohur për drejtësinë. Ai është i dënuar për drogë më 7 vite e 6 muaj burg në 2010, ndërsa është bërë edhe subjekt i OFL-së në lidhje me pasurinë e tij. Edhe në 2015 Begaj u kap me 50 kg lëndë narkotike të llojit marijuanë “çokollatë”, e paketuar, së bashku me tre të tjerë në vendin e quajtur “Qafa e Kuzum Babasë”.
Autori ka qenë në këmbë dhe se e pritur deri sa 38-vjeçari të kthehej në banesën e tij për t’i qëlluar me pistoletë. Ka qenë errësira e madhe në zonë që ka shpëtuar dhe jetën e 38-vjeçarit, pasi plumbat e kanë kapur në pjesën e poshtme të trupit. 38-vjeçari është shfaqur i plagosur në spital dhe ndodhet jashtë rreziku për jetën. /tesheshi.com/
