Thellohen hetimet për Russia Gate.
New York times bën të ditur se Prokurori Special Robert Mueller i ka kërkuar Shtëpisë së Bardhë dokumentet e të gjithë punës së ish-këshilltarit të Sigurisë Kombëtare të Donald Trump, gjeneralit Michael Flynn, ndërkohë që ka nxjerrë dëshmitarë që Flynn ka marrë pagesa të shumta nga disa qeveri të ndryshme në fushatën elektorale.
Kjo është kërkesa e parë zyrtare nga grupi hetimor që të sekuestrojë shkresa të Shtëpisë së Bardhë.
Ky hap i prokurorit Mueller është një zhvillim dramatik për Donald Trump, pasi të paktën do të çojë në një process publik mbi punën e administratës Trump, si para komisionit të posaçëm të Kongresit, ose edhe në ndonjë gjykatë federale, ku Mueller pritet të dërgojë dokumentet.
/tesheshi.com/
