Ministri i Jashtëm rus Sergei Lavrov tha dje për mediat lokale se qëndrimi i Rusisë ka ndryshuar dhe se nuk do të ketë më armëpushim për shkak të negociatave. Lavrov gjithashtu shpalosi qëllimet e vërteta të agresionit ndaj Ukrainës.
Ai tha se sulmi ndaj Ukrainës kishte për qëllim prerjen e rrugës drejt “dominimit të plotë të Shteteve të Bashkuara dhe vendeve të tjera perëndimore”.
“Operacioni ynë special ushtarak është krijuar për t’i dhënë fund zgjerimit të pamatur dhe rrugës së pamatur drejt dominimit të plotë të Shteteve të Bashkuara dhe pjesës tjetër të vendeve perëndimore që janë nën të në arenën ndërkombëtare,” tha ai.
Lavrov përcaktoi se “dominimi i tillë po ndërtohet me shkelje të rënda të së drejtës ndërkombëtare”.
“Pavarësia mund të njihet në Kosovë pa referendum(17 shkurt 2008), por në Krime, si rezultat i referendumit, të cilin e ndoqën qindra përfaqësues objektivë të vendeve të huaja, publiku i vendeve të huaja, është e pamundur. Në Irak 10 mijë kilometra nga Shtetet e Bashkuara, ata imagjinuan një kërcënim për sigurinë e tyre amerikane. E bombarduan atë por nuk gjetën kërcënim, madje as nuk kërkuan falje”, tha Lavrov.
“Dhe kur neo-nazistët dhe ultra-radikalët janë në kufijtë tanë, dhjetëra laboratorë biologjikë po krijohen sipas modelit të Pentagonit, duke kryer disa eksperimente që synojnë kryesisht krijimin e armëve biologjike – janë gjetur dokumente që nuk lënë asnjë dyshim – atëherë ky kërcënim është në kufijtë tanë, jo përtej oqeanit,” vazhdoi ai.
Ai përsëri i quajti raportet për krimet ruse të luftës kundër civilëve në Bucha dhe Krematorsk si të sajuara dhe provokuese. Ai tha gjithashtu se disa njerëz në Donbasin e fragmentuar “kanë jetuar nën neo-nazistët për vite me radhë”. /tesheshi.com/
