Ministria e mbrojtjes e Rusisë ka njoftuar se ka kryer provën e një rakete balistike ndërkontinentale, në kuadër të ushtrimeve të gjëra, në të cilat janë të përfshira forcat raketore të këtij vendi.
Raketa e tipit, Topol, është lëshuar nga baza për testim, Kasputin Yar, në pjesën jugore të Rusisë dhe e ka goditur cakun në një largësi tjetër në Kazakistanin fqinj.
Ministria e mbrojtjes e Rusisë ka shpjeguar se ky test kishte për qëllim zhvillimin e teknologjive të reja në avancimin e mbrojtes raketore.
Kjo provë u bë pothuajse një javë pasi Rusia ka kryer ushtrimet më të mëdha ushtarake prej Luftës së Ftohtë, me pjesëmarrjen e dhjetëra mijëra ushtarëve të vendosur në Bjellorusi dhe afër kufijve të tri vendeve baltike, që janë anëtare të NATO-s. /tesheshi.com/
