Nga Ylli Pata
Gjithnjë e më shumë po dalin fakte mbi ndërhyrjen e Rusisë në Ballkan, që tregon në një farë mënyrë edhe arsyen reale të disa ngjarjeve në dukje rastësore por që kanë synime të qarta në destabilizimin e rajonit. Ka disa dië që mediat ndërkombëtare po flasin për një zgjatje të duarve të Putinit në Ballkan, për të cilën u pyet edhe Kryeministri shqiptar, Edi Rama, në intervistën për gazetën gjermane “Stuttgarter Zeitung”, i cili kërkoi ndërhyrjen direkte të Europës në ndihmë të vendeve të rajonit.
Një nga vendet ku Rusia dukshëm ka interesa të trazojë situatën është Mali i Zi, një shtet i vogël gati i ndarë në dysh, në shumicën që përkrah linjën perëndimore të Milo Gjukanoviçit dhe pjesa tjetër që shkon deri te 45% që janë serbë, por edhe malazezë me interesa të lidhura me qarqet e Beogradit apo aleatët e tyre.
Ambasadori i Rusisë në Mal të Zi, Andrej Nesterenko, në një intervistë për televizionin Vijesti,(TV që është pranë opozitës proserbe) ka akuzuar qeverinë e Gjukanoviçit që po mban peng kërkesat e ardhura nga Rusia për të kërkuar naftë në këtë vend. Nesterenko theksoi se bëhet fjalë për zona të pasura me rezerva nafte. Po cilat në fakt janë zonat për të cilën foli ambasadori rus?
Bëhet fjalë pikërisht për tokat shqiptare, konkretisht në Gjirin e Valdanosit, 4 kilomentra në veri perëndim të qytetit të Ulqinit, ku besohet se ka rezerva të konsiderueshme nafte.
Sipas strategjisë së zhvillimit të hartuar nga qeveria malazeze, në këtë vedn bëhet fjlë për rezerva nafte që shkojnë deri në 7 miliardë fuçi dhe një sasi prej 425 miliard metra kub gaz natyror.
Kompania shtetërore ruse Gazprom ka shpuar dhe vazhdon punimet në veriperëndim të Bosnjë-Hercegovinës në 4 vendburime naftëmbajtëse, një venë e së cilës gjendet në veri të Malit të Zi.
Ndërkaq në Ulqin, janë bërë 17 kërkime në kohën e Jugosllavisë së Titos po tenkologjia atëherë nuk ishte e sofistikuar, ndërkohë që kostoja rezultoi shumë e madhe, ngaqë nafta ndodhet në det. Bëhet fjalë për një thellësi prej. 5.309 metrash, që për teknologjinë aktuale nuk është problem. Në shpimet e bëra ndër vitesh në Gjirin e Valdanosit është vendosur “tapë” nga shteti, ndërkohë që zona është një perlë e vërtetë natyrore nuk është shfrytëzuar për turizëm masiv.
Ambasadori rus në Mal të Zi, në intervistën e dhënë për “Vijesti” tha tekstualisht: “Kemi pasur disa sipërmarrës të cilëve nuk po ju jepet leja e qëndrimit, ndërkohë që Ministria e Energjetikës nuk po u përgjigjet propozimve tona prej vitesh në eksplorimin e gazit dhe të naftës në zonën kontinentale Ne do të donim Ministria e Ekonomisë energjikisht përgjigjet propozimeve tona. Një nga propozimet është dërguar në qeverinë e Malit të Zi disa vjet më parë. Në mënyrë të veçantë, ajo është propozimi i një prej kompanive tona të mëdha të energjisë – të angazhohen në eksplorimin e fushave të naftës dhe gazit në zonën kontinentale. Ky është një projekt premtues, i cili është i lidhur edhe për potencialin e energjisë së vendit të cilat duhet të shfrytëzohen”.
Ndërkaq në lidhje me mundësinë e aëtarësimit të Malit të Zi në NATO, ambasadori, Andrej Nesterenko, i është drejtuar sedrës prej “malësorësh krenarë” të malazezëve të cilët nuk bëjnë siç u thonë por kanë sovranitetin e tyre. “I keni harruar bombardimet në Serbi dhe Mal të Zi. Nëse merret një vendim i tillë në selinë e NATO-s do të jeni ju dakord, populli nuk është dakord për këtë”, ka thënë Nesterenko. /tesheshi.com/
