Ka një mister në Moskë mbi sëmurjen e çuditshme të gazetarit.Vladimir Kara-Murza, 33 vjeç, i ri në moshë, po mjaft autoritar në punën e tij dhe opozitar ndaj Putin, me një shtetësi të dyfishtë britanike dhe rusë.
![Një foto e postuar në twitter nga senatori i SHBA, John McCain, që paraqet atë së bashku me Vladimir Kara-Murza e Boris Nemtsov](https://localhost/tesheshi/wp-content/uploads/2015/05/Një-foto-e-postuar-në-twitter-nga-senatori-i-SHBA-John-McCain-që-paraqet-atë-së-bashku-me-Vladimir-Kara-Murza-e-Boris-Nemtsov.jpg)
Që nga e marta e shkuar ai ndodhet i shtruar në spital në kushte të rënda për një helmim të dyshuar në veshkat e tij, por nuk janë gjetur ende arsyet.
Bashkëshortja e tij Jevgenia, ka lëshuar një deklaratë ku thekson se është helmuar. Mendohet se një gjë e tillë ka ndodhur në kushte të njëjta me ish-spiunin e KGB-së, Aleksandër Litvinenko dhe figura të tjera opozitare ruse.
Litvinenko, ish-oficer i shërbimit sekret rus, vdiq në Londër në vitin 2006, pas një helmimi në gjak me Pluton radioaktiv. Ai u arratis në Britaninë e Madhe në vitin 2000, ku ka shkruar edhe një libër kundër agjentëve të shërbimeve sekrete.
Gruaja e Kara-Murza ka kërkuar që i shoqi i saj të dërgohet për mjekim në Europë ose në Izrael për tu kuruar, por babai i tij dhe mjekët kundërshtojnë transferimin.
Kara-Murza ka ndjerë ankimet e para, pasi që OJF për të cilën punon, Open Russia, (e krijuar nga ish- manjati i Yukos, Mikhail Khodorkovski), ka shpërndarë një film mjaft kritik ndaj liderit çecen, Ramzan Kadyrov, kapterri i Putinit në Grozni.
Gazetari ishte mik edhe me Boris Nemtsov, eksponenti tjetër i njohur i opozitës rue, që u vra shkurtin e shkuar ndërkohë që ecte me të fejuarën në urën pranë Kremlinit.
/tesheshi.com/