Ish-trajneri i Lilës dhe Romës do të jetë trajneri i Marsejës në tre vitet e ardhshme. Rudi Garcia zëvendëson Franck Passi-n teksa Marseja i ka bërë një nisje mjaft të keqe sezonit.
E vështirë, madje tepër e vështirë, nisja për Garcia-n, pasi të dielën në mbrëmje ekipi i tij i ri do të luajë në kryeqytetin francez, në “Parc des Princes”, ndaj PSG-së.
“Rudi Garcia, 52 vjeç, ka nënshkruar një kontratë trevjeçare. Ai do ta marrë detyrën që nga e premtja, kur të marrë pjesë në konferencën e shtypit të para ndeshjes së kësaj fundjave,” thuhet në njoftimin e Olimpikut të Marsejës.
Garcia e udhëhoqi Lilën në vitin 2001 drejt fitimit të kampionatit dhe të Kupës së Francës. Në Itali ai do të drejtonte Romën, prej nga u shkarkua në janarin e këtij viti.
Marseja gjendet në vend të 12-të në kampionatin francez, me vetëm tre fitore e 12 pikë. Klubi francez sapo është blerë nga amerikani Frank McCourt, që është zotuar t’i kthejë lavdinë e dikurshme. /tesheshi.com/
