Kryeparlamentari i Shqipërisë, Gramoz Ruçi, gjatë vizitës në Kosovë ka dalë “pro” Thaçit e kundër Haradinajt sa i përket marrëveshjes për Demarkacionin me Malin e Zi.
“Unë inkurajoj të gjitha forcat politike që çështja e Demarkacionit të zgjidhet, nëse kjo është pengesa, edhe pse mendoj se Kosova i ka përmbushur kërkesat evropiane”, ka thënë Ruçi.
Këtë deklaratë nuk e ka komentuar fare kryeministri Haradinaj.
“Ju e dini qëndrimin…”, ka thënë shkurt kryeministri kur është pyetur nga gazetarët, duke lënë të nënkuptohet mbetet i palëkundur në qëndrimin e tij se Kosova humbet tokë me marrëveshjen e nënshkruar nga Thaçi. /tesheshi.com/
