90 emigrantë mendohet se kanë gjetur vdekjen në det pas përmbysjes së një anijeje në brigjet e Libisë. Kështu njoftoi agjencia e OKB për emigrantët, sipas së cilës tre të mbijetuarit thanë se pjesa më e madhe e atyre që u mbytën, ishin me shtetësi pakistaneze.
Libia, prej vitesh tashmë, ka qenë një rrugë kryesore tranziti për emigrantët që përpiqen të arrijnë cepin jugor të Europës në rrugë detare.
Por vitin e kaluar, një marrëveshje për ndalimin e tyre u nënshkrua nga BE që premtoi të ndihmojë rojen bregdetare libiane për të ndaluar fluksin.
Agjencitë e ndihmave dhe OKB i akuzuan qeveritë europiane se kishin marrë një qasje “çnjerëzore”.
Ndërkaq, IOM njoftoi se tre trupa të pajetë janë gjendur tashmë në brigjet libiane. Pakistanezët duket se së fundmi, kanë qenë të shumtë në këtë rrugëtim të rrezikshëm drejt Italisë.
Pakistanezët ishin të 13-tët në listën për numrin e emigrantëve që ia dalin të arrijnë në Europë, por këtë vit ata kaën dalë në vend të tretë. /tesheshi.com/
