Lira turke regjistroi sot një rritje të lehtë, por është ende në nën kuotën 6 ndaj dollarit. Efekt kanë dhënë deklarimet më të fundit nga Shtëpia e Bardhë se do të hiqen tarifat shtesë ndaj mallrave turke nëse Ankaraja liron priftin Brunson. Por gjithashtu ka shtuar dhe kërkesën për t’u thënë “Jo” 15 miliard dollarëve të Katarit, dhënë “dhuratë” për Turqinë në formë investimesh, një lëvizje që e bën bllokadën amerikane jo vetëm të përballueshme por dhe të sfidueshme.
Ndërkaq, Reuters thekson se vëmendja e investitorëve ndërkombëtarë po përqëndrohet te një konferencë e pritshme e kreut të Financave, Berat Albayrak.
Kjo është një tjetër lëvizje në luftën e financave që Ankaraja po bën me Uashingtonin.
Një ditë më parë, Turqia dyfishoi tarifat për produkte të caktuara amerikane, gjë e cila u prit shumë keq nga administrata Trump.
“Tarifat e Turqisë janë sigurisht për të ardhur keq dhe një hap në drejtim të gabuar. Arsyeja e tarifave tona ndaj Turqisë ishin për interesin e sigurisë kombëtare, ndërsa tarifat e tyre janë futur për hakmarrje”, tha zëdhënësja e Shtëpisë së Bardhë, Sarah Sanders. /tesheshi.com/
