Ministria gjermane e Mbrojtjes njoftoi se ka pasur një rritje të ndjeshme të numrit të incidenteve të ekstremit të djathtë në ushtrinë gjermane.
Zëdhënësi i Ministrisë së Mbrojtjes, David Helmbold tha se numri i të dyshuarve për ekstremizëm të krahut të djathtë u rrit nga 363 në 2019 në 477 raste vitin e kaluar.
Shërbimi i Kundërzbulimit Ushtarak (MAD) paraqiti një raport në Bundestag për vitin 2020, ku thuhet se arsyeja më e zakonshme për fillimin e hetimeve për rastet e ekstremizmit të djathtë janë deklaratat armiqësore ndaj të huajve ose mesazhet ksenofobike në mediat sociale.
“Doli se kërcënimi ekstremist ndaj vlerave themelore të shoqërisë sonë të hapur ka vazhduar për fat të keq në një nivel relativisht të lartë,” shkroi presidentja e MAD Martina Rosenberg në një raport.
Edhe pse Ministria e Mbrojtjes është angazhuar për të ndjekur një politikë të intolerancës kur bëhet fjalë për luftimin e ekstremizmit të djathtë në ushtri, ka pasur një sërë incidentesh vitet e fundit.
Në fillim të këtij muaji, filloi një hetim për një seri incidentesh të së djathtës ekstreme dhe dhunë seksuale në njësinë e Gardës së Nderit.
Në janar 2020, Shërbimi Ushtarak i Kundërzbulimit raportoi se kishte rreth 600 ekstremistë të dyshuar të krahut të djathtë në ushtri.
Njësia elitare anti-terroriste e KSK-së konsiderohet si një problem i madh me 20 anëtarë të dyshuar si mbështetës të ekstremit të djathtë. /tesheshi.com/
