Më në fund, Kremlini jep një lajm të mirë… paqe dhe stabilitet për planetin Tokë. Fitorja e Donald Trump, si udhëheqësi i ri i Shtëpisë së Bardhë mund të ketë parandaluar Luftën e Tretë Botërore. Ky fakt u konfirmua nga një zyrtar i lartë i qeverisë ruse, pasi sipas tij rivalja e republikanit, Hillary Clinton ishte përshkruar nga Kremlini si simboli i luftës. Ai tha për mediat se: “Amerikanët kishin dy zgjedhje: paqen ose Luftën e Tretë Botërore”.
Entuziasti për kryesimin e Trump në këto zgjedhje u reflektua nga Moska, një ditë pas publikimit të rezultateve. Presidenti Vladimir Putin ishte ndër të parët, që përshëndeti fitoren e tij, ndëras nënvijëzoi se tensionet me Amerikën tani mund të liheshin pas. Vitet e fundit, marrëdhëniet e SHBA-ve me Rusinë kanë qenë të ftohta, ndërsa Donald Trump garantoi gjatë fushatës se do të zbuste tonet me Moskën nëse do të zgjidhej president./tesheshi.com
