Drejtori i burgjeve të Kosovës, Sokol Zogaj, është rrahur brutalisht nga dy persona para banesës së tij në orët e mëngjesit.
Zogaj është dërguar menjëherë në urgjencën spitalore dhe thuhet se gjendja e tij është serioze. Sulmin ka njoftuar edhe Ministria e Drejtësisë përmes një deklarate.
“Sot, rreth orës 07:00 të mëngjesit duke dalë nga banesa e tij në Prishtinë, nga persona deri më tani të panjohur, është sulmuar brutalisht ushtruesi i detyrës së drejtorit të përgjithshëm të Shërbimit Korrektues të Kosovës, Sokol Zogaj.
Ministria e Drejtësisë dënon ashpër sulmin brutal ndaj Zogaj, dhe i fton organet kompetente ta trajtojnë rastin, në mënyrë që kryerësit e këtij akti brutal të dalin para organeve të drejtësisë. Ministria e Drejtësisë do të bashkëpunojë me organet kompetente deri në zbardhjen e plotë të sulmit brutal ndaj Zogaj”, thuhet në njoftim. /tesheshi.com/
