Rreziku për rikthimin e vizave për qytetarët shqiptarë, pas kërkesës së autoriteteve holandeze, ka sjellë edhe reagimin e LSI-së.
Përmes një komenti në rrjetet sociale, kreu i Grupit Parlamentar të kësaj partie, Petrit Vasili, akuzon Edi Ramën se nuk ka veshë për të dëgjuar atë që po ndodh me vendin.
“Ç’ taksirat ka populli të vuajë deliret dhe paranojat e një shkollëpakti, llafazan të pashërueshëm?”, shkruan Vasili në rrjetin social.
Komenti i Petrit Vasilit
Po hiqen vizat, kryeministër ku je ?!
Heqja e vizave për shqiptarët, një nga arritjet më madhore të pluralizmit, rrezikon të zhbëhet.
Ishte kjo arritje që çliroi shqiptarët nga poshtërimi në dyert e ambasadave dhe shembi izolimin e turpshëm dhe trajtimin tonë si qytetarë të dorës së tretë.
Paralajmërimet nga Europa kanë qenë pa fund, por shurdhëria dhe paaftësia kriminale e kryeministrit ka qenë fatale.
Në fund të fundit ai punët….e tija i ka fjollë, pavarësisht se qindra mijëra shqiptarë vuajnë skamjen e papunësisë dhe varfërisë.
Kryeministri ynë nuk ka veshë, por ka vetëm stomak dhe të madh madje.
Europa i vuri një zero të madhe delirit me timon e me tepsi.
Ç’ taksirat ka populli të vuajë deliret dhe paranojat e një shkollëpakti, llafazan të pashërueshëm? /tesheshi.com/
