Sherri mes dy kunatave ka shkaktuar një tjetër ngjarje të rëndë, këtë rradhë në qytetin e Beratit.
Policia njofton se ka qenë një sherr mes kunatave, ku njëra prej tyre pasi ka dhunuar tjetrën është hedhur nga kati i dytë i banesës ku jeton.
55 vjeçarja është dërguar me urgjencë në spitalin e Traumës në Tiranë, ku dhe ndodhet në gjendje të rëndë për jetën.
“Më datë 24.09.2017, filloi procedimi penal në gjendje të lirë për shtetasen V.P, 55 vjeçe, banuese në Berat, pasi në banesë ka ushtruar dhunë fizike duke e goditur me mjet prehrës kunatën e saj, shtetasen V.P, 52 vjeçe, banuese në Berat.
Shtetesia V.P pas ngjarjes ka shkuar në banesën e saj dhe është vetëhedhur nga tarraca e katit të dytë, ndërsa ndodhet në gjendje të rëndë në Spitalin e Traumës në Tiranë.
Materialet i kaluan Prokurorisë së Rrethit Gjyqësor Berat, për veprën penale “Dhuna në familje”, parashikuar nga neni 130/a i Kodit Penal”, thuhet në njoftimin e policisë. /tesheshi.com/
