Më shumë se përrallat e Canterbury, ata janë rrëfimet e De-Cameron-it. Po, kështu e kanë quajtur librin e ish-mikut të kryeministrit britanik David Cameron, i cili ka tronditur opinionin britanik me historitë mbi të shkuarën e shthurur të tij.
Seks, drogë dhe perversitete është rezultantja e biografisë së Lord Ashcroft, ish-financieri i konservatorëve britanikë.
Libri i Ashcroft flet për shthurjen e djaloshit që u bë kryeministër, gjatë kohës kur ndodhej në Oxford dhe pjesëtar i një klubi për fëmijët e të pasurve.
Që këto klube përfundonin në orgjira, thithje kokaine e perversitete, kjo dihej, por botimi në libër dhe emërtimi i kryeministrit britanik e ka bërë situatën më problematike edhe pasi përballë tij qëndron imazhi i liderit të opozitës, Jeremy Corbyn, që është serioz, ecën me biçikletë pasi s’ka makinë, ushqehet thjesht dhe nuk konsumon mish.
Botimi i librit nga Ashcroft, konsiderohet si hakmarrje e tij, pasi nuk u bë ministër nga Cameron, edhe pse ai ka hedhur lumë paratë e shumta për Partinë Konservatore.
Në twiter po ecin lumë talljet e Kryeministrit britanik që e paraqesin me një derr, pasi në libër theksohet se si rit i pranimit në klub, Cameron vendosi një pjesë anatomike të trupit të tij në gojën e një derri të ngordhur. Dhe kuptohet se për kë pjesë bëhet fjalë.
Komentatorët theksojnë se mund të jenë goditje poshtë brezit, por fakti është se tregohet se Cameron merrte kokainë edhe kur ishte i martuar dhe me fëmijë.
Biografia e titulluar “Call me Dave” (Më thërrisni Dave) përcakton pikërisht definimin e Cameron si djalë i një babai të pasur, bankier që i ka dhënë të gjitha e ia ka bërë gati djalit të tij. i shkolluar në fillim në Eton, shkolla private e kryeministrave të ardhshëm e më pas në Oxford.
Një foto e tij me grupin e famshëm ku shfaqet edhe kryebashkiaku i Londrës, Boris Johnson, ka tronditur kryeministrin britanik gjatë fushatës së fundit elektorale.
Por libri i sapo dalë i Ashcroft, do të thellojë edhe më tej hendekun, pasi do ta paraqesë kreun e qeverisë së Mbretërisë së Bashkuar si një të degjeneruar dhe të pafre.
/tesheshi.com/
Marrë nga La Repubblica
