Cristiano Ronaldo është një nga futbollistët më të paguar në botë, por edhe një djalë me zemrën e madhe dhe të mirë. Sa herë që bëhet fjalë për të ndihmuar njerëzit në nevojë, ai është gjithmonë në gatishmëri për të dhënë kontributin e tij.
Këtë herë ai ka dhënë 5 milionë sterlina, rreth 6.88 milionë euro si ndihma humanitare për Save the Children, kushtuar popullsisë së Nepalit të goditur nga nj tërmet i fuqishëm me pasoja shkatërruese disa javë më parë. Lajmi është raportuar në francezen “So Foot”.
Cristiano Ronaldo, i cili ka sensibilizuar edhe 10 mijë ndjekësit e tij në Facebook në lidhje me ngjarjet në Nepal, nuk është i ri në këtë nismë. Në mars të vitit 2014, CR7, pasi u kontaktua nga familja e një fëmije 10 muajsh i prekur nga një sëmundje në zemër, dhuroi 70 mijë euro për të realizuar ndërhyrjen kirurgjikale për normalizimin e jetës së të voglit.
Fenomeni portugez bën gjithmonë bamirësi në fshehtësi të madhe, pa u marrë vesh nga mediat. Disa vite më parë, Ronaldo kishte takuar një të mbijetuar nga cunami në Indonezi në vitin 2004, i gjetur i gjallë pas 19 ditëve me bluzën e futbollit të lojtarit portugez. Kanë qenë momente me të vërtetë emocionuese, të cilat e kanë nxitur edhe më shumë lojtarin të vijojë me bamirësitë e tij. /tesheshi.com/
