Cristiano Ronaldo shënoi golin e tij të 39 në 32 javë në La Liga. Megjithatë, ai gaboi për herë të parë këtë sezon nga pika e bardhë e 11-metërshit. Në total, këtë sezon, ylli portugez ka shënuar 9 gola nga pika e bardhë, nga 10 tentativa (Reali ka përfituar 11 penallti këtë vit).
Duhet theksuar fakti se CR7 që prej ardhjes së tij në Madrid, rrallë është parë që ta humbë një 11-metërsh. Nga 56 penallti të gjuajtura, ai ka gabuar vetëm 6 herë, me përqindje suksesi 91%.
Gjithashtu, sulmuesi ka gabuar edhe 1 në Champions, kundër Ludogoretsit. CR7 kishte 2 vite që nuk gabonte. Ndërsa Mesi te Barça nga pika e bardhë e 11-metërshit është i suksesshëm 79%. /tesheshi.com/
