Ronaldo apo Mesi: cili është më i kërkuari në google?

Prestigjiozja spanjolle Marca ka bërë një hulumtim sa i përket dy futbollistëve që pritet të kenë fjalën kryesore në ndeshjen Real Madrid – Barcelona. Cristiano Ronaldo dhe Lionel Messi janë dy futbollistët më të kërkuar në makinerinë ‘Google’, ndërkohë varësisht nga kontinentet ndryshon edhe pozicioni i tyre i kërkimit.

Në Europë, Ronaldo është i padiskutueshëm, ndërkohë në Afrikë dominon Messi. Në disa vende rezultatet e kërkimit janë të ngjashme me argjentinasin që ka një favor të lehtë.

Në hulumtim janë të përfshira edhe fjalët që kërkojnë për këta dy futbollistë. Sikur tregon edhe ranklista, kërkimet më të shpeshta për Messin ishin: Messi in Chelsea, filmi i Messit, tatuazhet e Messit e disa gjëra tjera. Ndërkohë, kërkimet për Ronaldon më shumë kanë të bëjnë me fotografitë e tij dhe këpucët.