Ish-kongresmeni amerikan Ron Paul akuzoi Presidentin e SHBA-së Donald Trump se ka mashtruar votuesit dhe ka shkelur mbi të gjitha premtimet e tij të fushatës, duke nxituar në një apo dy luftëra të reja, kundër Koresë së Veriut dhe Iranit.
Në rubrikën e tij javore të publikuar nga Instituti për Paqe dhe Prosperitet, Paul paralajmëroi Trump-in se “çdo luftë e tillë automatikisht do të thotë fund të mandatit të tij.”
“Si demokratët edhe republikanët po ushtrojnë presion mbi Shtëpinë e Bardhë, fillimisht me ‘Russiagate’ të padëshmuar akoma në lidhje me hakimin e pretenduar të zgjedhjeve, dhe tani me përgatitjet për ‘luftë të re”, ka thënë Paul.
“Nëse Trump shkon në luftë, mandati i tij është i mbaruar, dhe Amerika do të përfundojë në një problem shumë më të madh se sa që ai mendon.”
Paul beson se Trump thjesht po kërkon një rol më të madh në çfarëdo lloj marrëveshje me regjimin e Kim Jong-un, siç e dëshmoi edhe fluturimi i fundit i bombarduesit amerikan B-1 mbi gadishullin Korean, i cili përçoi një mesazh të qartë: Trump është gati për të sulmuar.
Ai kritikon edhe rritjen e numrit të forcave marine amerikane në Gji, që çoi në konflikt me anijet iraniane.
Ish-kongresisti tregon se Irani ka përmbushur të gjitha detyrimet sipas marrëveshjes bërthamore, pavarësisht nga pretendimet e vazhdueshme të Trump që kjo nuk është e vërtetë.
Populli amerikan votoi për Trump, sepse me të shanset ishin më të mëdha që vendi të mbetet jashtë luftës, tha Paul, duke shtuar se një studim i kohëve të fundit tregoi se Trump fitoi shumicën e votave në disa pjesë të SHBA-ve, prej nga vijnë numri më i madh i ushtarëve të vrarë.
Paul u ka bërë thirrje mbështetësve të Trump-it që të “dalin në publik dhe të parandalojnë zhytjen e Shteteve të Bashkuara në një luftë të re të përgjakshme, përballë së cilës Iraku dhe Afganistani do të duken si një copë tortë”. /tesheshi.com/
