Përveç partive shqiptare të cilat tani më kanë shprehur qëndrimin e tyre kundër koalicionimit me VMRO-në, së fundmi edhe lideri i Partisë për Emancipim të Plotë të Romëve, Samka Ibrahimovski ka bërë thirrje tek të gjithë partitë tjera etnike që janë në koalicion me këtë forcë politike që menjëherë ta lëshojnë atë.
Ky reagim i partisë së romëve vjen si rrjedhojë e deklaratës nacionaliste të ish-kryeministrit dhe kryetar aktual i VMRO-së, Nikolla Gruevski, i cili bëri thirrje për unifikim të partive maqedonase kundër Platformës së partive shqiptare. Sipas tij, nëse Gruevski mendon kështu për shqiptarët, të njëjtën e mendon edhe për bashkësitë tjera etnike.
“Partitë shqiptare nuk duhet të heshtin, e veçanërisht partitë rome që janë në koalicion me VMRO-në, sepse deklarata e Gruevskit është mesazh dhe për bashkësitë e tjera. Thirrja e Gruevskit në TV Sitel deri te lideri i LSDM-së Zoran Zaev që të mos e pranojë Platformën e Partive Shqiptare, se vetëm kështu deputetët e tij do ta përkrahin qeverinë, është nacionaliste”, thotë Ibrahimovski. /tesheshi.com/
