Qeveria franceze dhe ajo italiane kanë shënuar përplasjen e radhës, ku në qendër kanë qenë ata, të bujshmit e dhunës, “jekeverdhët”. Në një klimë aspak miqësore mes dy vendeve, ku shkak kanë qenë politikat ndaj emigrantëve, dy populistët e qeverisë së Romës, Di Maio i 5 Yjeve dhe Salvini i Lega-s, shkojnë e sajdisin “jelekverdhët, duke i komplimentuar për protestat e tyre, edhe pse të dhunshme e shkatërruese.
Di Maio u takua e foli me një ndër liderët e “jelekverdhëve”, Christophe Chalencon, kandidat për zgjedhjet e Parlamentit Evropian, duke shkruar më pas në Twitter: “Erërat e ndryshimit kanë kaluar nëpër Alpe.”
“Lëvizja 5 Yje të gatshme që të ofrojë mbështetjen e nevojshme për ju…”, qe një tjetër mesazh i Di Maio-s, ku ngjashëm kanë marrë vlerësime dhe nga Salvini.
Por Parisi thotë takimi dhe mbështetja e zëndëskryeministrit italian për “jelekverdhët” është një provokim i papranueshëm.
“Di Maio, duhet të kujdeset që të mos dëmtojë, nëpërmjet ndërhyrjeve të tij të përsëritura në punët e brendshme të Francës, marrëdhëniet tona dypalëshe, në interes të Francës dhe Italisë”, u tha në një deklaratë të qeverisë franceze. /tesheshi.com/
