Ish-numri një i botës, zviceriani Roger Federer nuk do të kthehet të luajë tenis në mars, ashtu siç ai vetë e kishte parashikuar. Problemet shëndetësore e kanë detyruar atë ta shtyjë për një muaj më vonë kthimin. Në prill do të jetë sërish mundësia për ta ndjekur sërish duke luajtur 34-vjeçarin, tanimë numri tre në listën botërore të tenisit të meshkujve.
Ai do të pësonte një këputje menisku në janar, një ditë pasi do të humbiste 1-3 në gjysmëfinalen e turneut Australian Open ndaj serbit Novak Djokovic. Për t’iu nënshtruar më pas një ndërhyrjeje kirurgjikale në gju, e për të qëndruar larg tenisit që asokohe.
17 herë fituesi i Grand Slam-eve, synonte të kthehej në mars në turneun Indian Wells, por do ta realizojë qëllimin e tij ditë më pas, në prill, në një tjetër turne, në Monte Carlo Masters.
Mosha e madhe ka bërë të tijën, dhe pos problemeve fizike, Federer e ka humbur dalëngadalë shkëlqimin e dikurshëm, edhe pse pretendon ende se mund të luajë në nivele të larta. Fakti që Grand Slam-i i fundit i fituar prej tij i përket vitit 2012, në Wimbledon, flet vetë mbi pafuqinë e zvicerianit për ta përballuar ritmin e më të rinjve. /tesheshi.com/
