Riza Durmishi është futbollisti me prejardhje shqiptare, më saktësisht nga Tetova, që ka vendosur të zgjedhë kombëtaren deneze të futbollit për ta përfaqësuar.
Por, sigurisht duhet të jetë penduar pak për këtë zgjedhje, pasi tifozët shqiptarë që kishin mbushur stadiumin në përballjen me Danimarkën, nuk kanë ngurruar t’i shprehin atij pakënaqësinë për këtë zgjedhje.
Ai u vërshëllye në çdo moment nga “shqiponjat” që kishin ardhur në Kopenhagen për ta parë ndeshjen.
Dëmtimet në momentin e fundit në repartin e mbrojtjes e kanë detyruar trajnerin Morton Olsen që t’ia besojë vendin e titullarit Riza Durmishit për duelin ndaj Shqipërisë.
Një shqiptar përballë 11 shqiptarëve të tjerë.
Por, deklaratat e tij para duelit se ai do të mendojë vetëm për përfaqësuesen nordike, kanë nxitur tifozët shqiptarë që ta vërshëllyer në çdo prekje të topit gjatë gjithë ndeshjes. /tesheshi.com/
