Zëdhënësi i Policisë, Ivo Kotevski, bëri me dije se institucionet e shtetit mbrëmë kanë qenë të sulmuara nga grupe, siç i quajti, terroriste.
“Mbrëmë rreth orës 2.30, një grup prej 40 personave e kanë sulmuar stacionin policor në Gushnicë të Likovës. Ata kanë qenë rëndë të armatosur, të maskuar me uniformë që kanë mbajtur emblemën e UÇK-së dhe kanë folur shqip”, tha Kotevski në konferencë për shtyp, duke sqaruar se katër policët që kanë qenë turni i natës janë sulmuar, lidhur, çarmatosur, e më pas rrahur. Sipas Kotevskit, njëri nga sulmuesit ka thënë se ata janë nga UÇK-ja dhe se dëshirojnë të ndërtojnë shtet të vetin dhe se as Marrëveshja e Ohrit, as Gruevski e as Ali Ahmeti nuk do t`i shpëtojë ata.
Kotevski nuk dha detaje se kush e kontrollon për momentin stacionin policor. /tesheshi.com/
