Prej momenteve më emocionuese që përshkuan ditën e parë të Lojërave Olimpike në Rio, ishte edhe ai me notuesen siriane Yusra Mardini, e cila është përfaqësuese e ekipit të refugjatëve sirian, nën flamurin olimpik.
Megjithëse arriti të fitojë një garë në not flutur 100m, koha e saj nuk ishte e mjaftueshme për t’a kualifikuar atë në gjysmëfinale, por ajo gjithësesi fitoi zemrat e spektatorëve dhe është kapitulli i fundit i një historie të jashtëzakonshme jetësore.
Në të vërtetë, Mardini,18-vjeçare dhe motra e saj u larguan nga Siria e shkatërruar nga lufta, përmes Libanit për në Turqi, para se të arrinin në Greqi me 20 vetë tjerë në një anije që ishte e paraparë për 6 persona.
Ajo, motra e saj dhe pasagjerët tjerë kishin shpëtuar mrekullisht, kur motori i anijes ishte prishur, dhe Mardini ishte kapur për litarin e anijes për të shpëtuar në detin Egje, duke i përballuar ujërat e ftohta të këtij deti.
Më shumë se 3 orë ajo kishte rezistuar me not për të dalë në bregun e detit në rrugëtimin për Gjermani.
Pasi arriti në Gjermani, Komiteti Olimpik Sirian ishte njoftuar për këtë histori duke e ftuar atë në Lojërat Olimpike. /tesheshi.com/
