Rinisin reshjet në të gjithë Shqipërinë jo vetëm të shirave por edhe të dëborës, të cilat nisin të bëjnë dëme.
Një ortek bore është shkëputur në zonë e Qafë-Thores në Theth duke bllokuar rrugën.
Për pasojë ka mbetur i bllokuar një mjet në të cilin udhëtonin katër persona. Personat e bllokuar kërkojnë ndihmë nga autoritetet.
Zona më problematike paraqitet qarku i Elbasanit, ku ka vëshirësi qarkullimi në disa akse rrugore. Në aksin Tiranë-Elbasan në zonën e Xibrakës përsëri ka vështirësi në lëvizjen e automjeteve, për shkak të rrëzimit të shembjes së murit dhe qarkullimi në këtë aks kryhet me një kalim të rregullet dhe një kalim në korsi provizore. Po ashtu vështirësi ka edhe aksi rrugor Elbasan –Gramsh.
Edhe Qarku i Shkodrës ka problematika në disa akse rrugore, ku ka rrezik për rreshqitje dherash dhe gurës, por që janë marrë të gjitha masat.
Pas problematikave që pati Rruga e Kombit ditët me reshje, sot gjendja paraqitet normale, ndërsa janë marrë masa për ndonjë rrezik nga rreshqitja e gurëve.
/tesheshi.com/
