Policia e Kosovës arrestoi mëngjesin e kësaj të enjte Aida Dërgutin, deputete e Vetëvendosjes dhe njëherësh n/kryetare e Kuvendit të Kosovës.
Akuza ndaj saj, sipas dokumentit të Gjykatës Themelore Prishtinë, sillet rreth ngjarjeve të muajve më parë, kur opozita kosovare kundërshtonte Demarkacionin duke hedhur gaz lotsjellës gjatë seancave parlamentare.
Znj. Dërguti ka ndenjur vetëm pak orë në ambientet policore pasi më pas është liruar, shoqëruar dhe nga karakteristika për sjellje të mirë në komunikim me zyrtarët që e kanë marrë në pyetje.
Ky gjest i autoriteteve policore kosovare ndodh në prag të rifutjes në axhendë të Demarkacionit dhe Asosacionit, ndryshe “Zajednicës”, paralajmëruar nga qeveria; ndërkohë që dhe opozita, posaçërisht Vetëvendosje, ka paralajmëruar reagim të ashpër kundërshtues ndaj tyre.
Arrestimi i beftë i Dërgutit, që përveçse deputete mban dhe postin e lartë të nr. 2 të Kuvendit të Kosovës, pra zëvëndëse e Veselit, ngjan si një paralajmërim ndaj zërave opozitarë në prag të rikthimit të dy çështjeve të mprehta. /tesheshi.com/
