Ish-nënkryetari i bashkisë së Tiranës kur ajo qeverisej nga Edi Rama është rikthyer në detyrë, por këtë herë si drejtor i Parqeve. Blendi Gonxhe thotë se ka marrë ftesë nga kreu aktual i Bashkisë, Erion Veliaj për të qenë pjesë e ekipit të tij.
Në një intervistë për shtypin e shkruar, Gonxhe ka sqaruar se puna e tij do të fokusohet në një ide për krijimin e parqeve kreative, por nuk ka dhënë detaje. Duket se vizioni i Gonxhes për qytetin përputhet me atë të kryetarit Veliaj.
Si surprizë vjen fakti që Gonxhe ishte pjesë e garës së Tiranës, në krye të listës së këshilltarëve të Partisë Demokristiane të Nard Ndokës, por nuk është pjesë e Këshillit të ri Bashkiak.
Ai ka qenë i përfshirë në punë private, që kur la detyrën si nënkryetar i Bashkisë në vitin 2002. /tesheshi.com/
