Rikandidimi për Tiranën, Basha refuzon t`i përgjigjet interesimit gazetaresk

A do rikandidojë Basha sërish për Tiranën?! Në “sallonet” e politikës, jepen dy llojet e përgjigjeve pohuese dhe mohuese, por vetë ai deri më sot nuk i është përgjigjur kësaj dileme, teksa afrohen zgjedhjet lokale e në çdo ditë në media hidhen emra kandidatësh, të dala dhe nga “fole grerëzash” të partive përkatëse. Edhe së fundi, gjatë përurimit të rikonstruksionit të shkollës ‘Qemal Stafa’, Basha nuk ka kthyer asnjë përgjigje lidhur me rikandidimit ose jo të tij në krye të Bashkisë më të madhe në vend. Ai ka zgjedhur të bëjë dhe aty politikë, duke i bërë thirrje pararendësit të tij, sot kryeministër, që të heqë dorë nga projektet fasadë e të jetë më i përgjegjshëm me qytetarët.