Pasi një numër i madh refugjatësh i lanë të hënën ishujt grekë për t’u zhvendosur në Turqi, sot ka rinisur procesi i ndërprerë prej ditësh.
Zyrtarë grekë i kanë deklaruar BBC-së se sot do të udhëtojnë dy tragete me 140 njerëz, me njërin që niset nga ishulli i Lesbosit, e me tjetrin që do të niset nga ishujt të tjerë e që do të mbartë 95 persona.
Një numër i vogël protestuesish kanë ngritur zërin kundër shpërnguljes së refugjatëve, por asgjë më shumë.
Një zëdhënëse e Frontex-it deklaroi se nuk kishte shqetësime në sjelljen e refugjatëve nga kampet në port.
“Me çdo të kthyer ka bashkëshoqërues, plus një ekip mbështetës. Emigrantëve do t’u jepet ujë dhe ushqim gjatë rrugës për në Turqi. Të gjithë ata kanë vendime kthimi. Askush nuk u tha bashkëshoqëruesve se do të donin të aplikonin për mbrojtje ndërkombëtare.” Kjo është ajo u çka tha Ewa Moncure gazetarëve.
Nga ata që do të kthehen ditën e sotme në Turqi, josirianët do të çohen në qendrat e deportimit, ndërsa çdo sirian do të dërgohet në kampet e refugjatëve, ku do të zërë vendin e një bashkëpatrioti të tij që do të risistemohet në vendet e BE-së. /tesheshi.com/
