Richard Grenell, ndër njerëzit më të afërt të Trumpit, i mundshmi për të qenë Sekretar Shteti nëse ish-presidenti bëhet sërish president, ka dhënë një shpjegim se pse nisi lufta në Ukrainë.
Ish-ambasador në Gjermani, ai ia vuri fajin pikërisht Gjermanisë mbi arsyen se pse Rusia agresoi kundër Ukrainës, duke bërë që atje tashmë të këtë një luftë, e cila rrezikon të ndeza zjarrin e saj dhe në Europë.
“Në Evropë po zhvillohet një luftë. Nuk kishte luftë kur Donald Trump ishte president. Kur isha në Gjermani, mbrojta politikat e Donald Trump. Qeveria gjermane ka qenë tepër e tmerrshme për politikat e Donald Trump kundër Nord Stream 2, udhëzimet për të përmbushur objektivin prej dy për qind të NATO-s dhe politikave tona shtrënguese duke u thënë kompanive gjermane që të mos bëjnë biznes me Iranin. Tani mund të argumentoj se Nord Stream 2 ishte një nga arsyet që kemi luftën në Ukrainë”, tha Richard Grenell, njeriu me rol dhe në disa zhvillime mes Kosovës dhe Serbisë si ish-i dërguar amerikan në rajon.
Dhe sipas Grenell, mungesa a komunikimit midis Joe Biden dhe Vladimir Putin, është faktor për mosarritjen e një zgjedhjeje për luftën në Ukrainë.
Ky qëndrim vjen në kohën kur Trump po i mëshon fort kartës së “shpëtimtarit të botës” prej vatrave të nxehta të saj, atyre në luftë.
