Aleanca ushtarake anti-terrorizëm që është mbledhur në një samit në Riad, ka theksuar rëndësinë e mediave në luftën kundër terrorizmit dhe mendimeve ekstremiste.
Takimi mblodhi së bashku ministrat e mbrojtjes të rreth 41 vendeve arabe dhe islame, të cilat nën drejtimin e Arabisë Saudite kanë themeluar një aleancë ushtarake anti-terror.
Aleanca prezantoi një vizion të zgjeruar dhe detajuar mbi mënyrat dhe mekanizmat për luftimin e terrorizmit, që tejkalon koordinimin ushtarak midis këtyre vendeve. Vizioni i vendos fushat intelektuale dhe mediatike në qendër të misioneve të përbashkëta të Aleancës.
Sipas aleancës, përpjekjet ndërkombëtare për të luftuar terrorizmin përfshijnë luftimin e diskursit mediatik të organizatave terroriste dhe përpjekjet e tyre për të joshur mendjet e rinisë.
Përpjekje të tjera ndërkombëtare përfshijnë zhvillimin e përmbajtjeve që luftojnë mendimin ekstremist përmes platformave mediale siç janë mediat sociale, kanalet televizive dhe radios. Mjetet që masin ndikimin e kësaj strategjie mbi mentalitetet dhe sjelljet do të aktivizohen, shtoi aleanca.
Shtetet e aleancës po përpiqen të rimarrin dhe riformulojnë përshtypjet e rreme, të prodhuara nga ideologjia ekstremiste dhe organizatat terroriste rreth vendeve arabe dhe islame në botë. /tesheshi.com/
