Gratë saudite prej tani do të lejohen të lëshojnë fetva, pas miratimit nga Këshilli i Shura-së.
Ky vendim historik që u miratua me 107 vota i dha fund një traditë 45-vjeçare, ku vetëm burrat mund të lëshonin fetva në Mbretëri.
Të ashtëquajturat gratë-myfti do të zgjidhen me dekretin e mbretit.
Këshilli i Shurasë miratoi propozimin e një prej anëtarëve në mbledhjen e 49-të, duke ftuar Komitetin e Përhershëm për Kërkime Shkencore dhe Lëshimin e Fetvave, i vetmi organ shtetëror i autorizuar për të lëshuar fetva, që të krijojë një departament të pavarur për gratë.
Gratë anëtarë të këshillit kërkuan muajin e kaluar që lëshimi i fetvave të mos jetë i kufizuar vetëm për burrat. Këshilli i bëri thirrje Kryesisë të emërojë ekspertë për lëshimin e fetvave dhe të sigurojë resurse të nevojshme njerëzore dhe materiale, si dhe të përfshijë ekspertë nga fusha e Sheriatit.
Vendimi i Këshillit të Shura-s u mirëprit nga ekspertë në fushën e ligjit islam, si dhe shumica e popullsisë.
Ky zhvillim në Mbretërinë Saudite vjen pas atij të lejimit të grave për të drejtuar automjtetet, si dhe pas emërimit të një gruaje në një post të lartë qeveritar. Janë këto disa kthesa historike që po e përshkuajnë këtë vend, në trajtën e një revolucioni të heshtur. /tesheshi.com/
