Tensioni politik nuk i ka munguar kurrë Shqipërisë në gjithë këto vite të gjata tranzicioni. Ky tension, me të njëjtat forma dhe gjuhë politike, u shfaq që në ngjizje të demokracisë shqiptare.
Madje dhe fjala “bandë” daton që atëherë.
Në vitin 1991, ndërsa qeveria e stabilitetit me kryeminsitër Ylli Bufin prej disa muajsh përpiqeshin të nxisnin dialog politik mes forcave të para politike, në dhjetor të këtij viti, vendi po zhytej në kolaps. Partia Demorkatike i kishte tërhequr nga qeverisja të gjithë ministrat e saj, nën pretendimin se ajo po bëhej fasadë e një keqqeverisjeje. Një vatër e nxehtë destabiliteti ishte ndezur në fillim të dhjetorit të Laç e Mamurras, ku turma të armatosura terrorizonin popullsinë e kishin nisur grabitjet në masë.
Nisur nga kjo gjendje e jashtëzakonshme, kryeminsitri Ylli Bufi kishte thirrur një mbledhje për të raportuar mbi gjendjen, për të diskutuar e gjetur një rrugë për të vendosur rendin e qetësinë. Mbledhja e 7 dhjetorit 1991 nis me një deklaratë të nënkryetarit të PD-së Neritan Ceka, i cili zbulon se ishte në konfrontim të hapur me Sali Berishën dhe se i ksihte dalë kundër atij në vendimin për të tërhequr nga qeveria gjithë përfaqësuesit e Partisë Demokratike, duke nxitur kështu tension dhe situatë destabiliteti në vend.
Ceka thotë ndër të tjera në deklaratën e tij: “..zoti Sali Berisha, preferoi të pyeste vetëm një grup deputetësh që u ndodhën në parlament, prej të cilëve asnjë njeri nuk mban përgjegjësi për rrjedhojat e këtij veprimi, duke përfshirë edhe kryetarin e Komitetit Ekzekutiv të Tiranës, z.Tomor Malasi, i cili ka dy ditë që e ka lënë qytetin pa bukë. Me këtë mandat të paligjshëm, pa marrë asnjë kontakt me ministrat dhe kryeministrin, pa marrë parasysh protestën time si nënkryetar i Partisë Demokratike, zoti Sali berisha imponoi vendimin për tërheqjen e ministrave nga Qeveria e Stabilitetit. Në këto kushte e ndjej për detyrë të deklaroj se veprimi i zotit Sali Berisha përfaqëson nëj iniciativë personale dhe nuk ka asnjë arsye që ministrat e Partisë Demokratike të tërhiqen nga qeveria dhe kjo qeveri të japë dorëheqjen…”
Ceka thotë më tej se në takimin që ka pasur me presidentin Ramiz Alia, ky i fundit ka kërkuar ta takojë me Sali Berishën, porse Ceka kishte refuzuar. Më tej në mbledhje diskutohet për gjendjen e nderë që kishte pllakosur qytetin e Laçit dhe Mamurrasin, ku bandat e armatosura po grabisnin gjithçka dhe se kjo tendencë po shtrihej edhe në Krujë e Fushë Krujë…
Me poshtë ju sjellim disa faqe nga procesverbali i kësaj mbledhjeje. /tesheshi.com/
