Tenderat me procedura korrekte janë ato të financuar nga Bashkimi Europian. Sipas kryedemokratit Basha, pikërisht këto tendera nuk preferohen nga kryeministri, pasi, siç pretendohet, nuk ka akses për të manipuluar.
“Në tenderat e t’u nuk ka konkurrencë sepse i ke përcaktuar ti jo vetëm rryshfetin, por dhe si do ndahet rryshfeti,” u shpreh kryedemokrati.
Nga ana tjetër, Rama pohoi se i ishte mirënjohës çdo fondi nga BE, ndërsa i sugjeroi kryedemokratit të “maste gjuhën” kur të fliste për hajdutëri.
“Po sikur të gjitha investimet e bëra nga qeveria shqiptare për shkollat një për një, në aspektin e kostos të jenë më të ulëta sesa investimet e bëra nga programi i Bashkimit Europian po në aspektin e kostos, për të njëjtat standarde dhe kritere? Çfarë i mbetet parafolësit. Parafolësit i mbetet ajo që i ka mbetur gjithmonë në fakt, humbja,” arsyetoi Rama.
Sa i takon akuzave se ende ka familje në çadra që nga tërmeti shkatërrues që goditi Shqipërinë, kryeministri tha se janë gjithsej 400 familje që qëndrojnë në çadra për arsyet e tyre dhe jo sepse nuk kanë marrë bonusin e qirasë. /tesheshi.com/
