Në mbledhjen e grupit parlamentar demokrat, kreu i opozitës Lulzim Basha, ka akuzuar qeverinë se pas uljes të të ardhurave për marsin, fshihet një vjedhje:
“Shikoni çfarë ndodh në dogana, importet janë rritur sipas INSTAT, por të ardhurat për muajin mars ranë me 70 për qind. Marsi rezultoi më keq se shkurti dhe prilli. Kjo është një vjedhje gjigande e parave që duhet të shkonin në buxhetin e shtetit. Ku shkuan? Çfarë janë këta që rrisin në qiell taksën dhe mbledhin pak para për buxhetin!”, tha Basha.
Ai ka komentuar dhe fushatën e prezantimit të kandidatëve për kryetarë bashkish, ku sipas tij, duket qartë bashkimi i popullit rreth opozitës për ta ndëshkuar dyshen Rama-Meta më 21 qershor.
“Asnjë votë tarfikantëve, tutorëve të prostitucionit, kriminelet dhe vrasësve nga bota e errët e krimit. 21 qershori është dita e ndëshkimit për qeverinë dhe bashkimit të shqiptarëve për punë dhe dinjitet rreth ofertës sonë të re”, tha Basha.
