Policia e shtetit bën të ditur se ka arrestuar një nga pjesëtarët e grupit të zjarrit në Lazarat, të cilët qëlluan mbi forcat RENEA.
30-vjecari Sinan Rabaj nga Lazarati është personi i parë që është arrestuar nga grupi i të armatosurve të cilet këtë mëngjes hapen zjarr ndaj policisë. Pak kohë më parë u vetëdorezua Eligent Basha. i ndaluari i sotëm në Lazarat, Xhuliano Malo, ka dëshmuar para oficerëve të Policisë së Gjirokastrës së grupi që po lufton me policinë përbëhet nga 15 persona.
Sipas tij, ata kanë blerë para pak kohësh 6 pushkë me dylbi dhe një sasi të konsiderueshme municioni. Po ashtu, Malo ka pohuar se kriminelët që i morën jetën policit të RENEA-s Ibrahim Basha, janë ndarë në nëngrupe dhe kanë banesa të fshehura brenda në pyll.
/tesheshi.com/
