Emri i Agim Agushit njihet tashmë si i shkruar në librin e rekordeve “Guiness”, për mbajtje gjatë të topit me kokë. Por së fundi, sportisti që vjen nga Vitia, synon që me aftësinw e tij të rrallë të pushtojë dy ndërtesat më të larta të Dubait, atë të Pentonimiumit 122 kate dhe Burj Khalifas 202 kate.
“Një sfidë e re po na pret, por jo e pa realizueshme”, ka shkruar Agim Agushi në profilin e tij të rrjetit social facebook, duke aluduar në ecje lart e poshtë shkallëve të dy ndërtesave më të larta në Dubai me top në kokë.
Agim Agushi, kishte thyer një rekord botëror pikërisht në Dubai më 26 tetor 2014, pasi kishte pushtuar ndërtesën 99 katëshe, Prencess Tower me një lartësi 414 metra në disiplinën Ecje prapa shkallëve, duke e mbajtur topin me kokë mbi 2000 shkallë.
Këtë e pati arritur me kohë, 1 orë, 30 minuta, 14 sekonda e 14 të qindtat e sekondës. /tesheshi.com/
