Një rekord është thyer në një lloj gare unike që zhillohet çdo vit në Mal të Zi, ajo e të qëndruarit shtrirë për orë të tëra, si të thuash, se kush është më tepër dembel.
Kjo lloj gare zhvillohet në fshatin Brezna.
Gjithsej 12 garuese u shtrinë për më shumë se 120 orë, duke thyer kështu rekordin e mëparshëm të fitueses së garës nga viti 2021, Dubravka Aleksiç nga Podgorica, e cila qëndroi shtrirë për 117 orë.
Gara filloi të premten në mëngjes dhe morën pjesë 21 garues. Ndërkohë, nëntë garues janë dorëzuar dhe 12 prej tyre po luftojnë për çmimin 1000 euro.
Rregullat janë që pjesëmarrësit janë të ndaluar të ngrihen, por lejohet gjumi, leximi i librave, ngrënia dhe pirja. Çdo tetë orë, garuesit lejohen të shkojnë në banjë.
Kjo është një lloj gare që e bën Malin e Zi unik në Evropë, dhe është veçanërisht interesant për shkak të stereotipit të pranuar për malazezët si komb dembel. /tesheshi.com/
