Autoritetet greke po zhvendosin refugjatet pranë kufirit me Shqipërinë. Pas strehimit të 162 refugjatëve në Konicë, tre kampe të tjera priten të ngrihen në zonën e Janinës, shumë pranë kufirit të vendit tonë.
Në kampe priten të strehohen të paktën 200 refugjatë, ndërsa njësitë e ushtrisë greke kanë nisur punën për ngritjen e tyre.
Aktualisht janë duke u ngritur edhe rrjeti i ujit të pijshmë edhe kanalizimeve për t’ju siguruar atyre kushtet e nevojshme të jetesës. Vetëm pak ditë më pare, autoritetet greke zhvendosën në Konicë 162 refugjatë sirianë të cilat janë strehuar nëpër shkollat e zonës ku edhe janë ndihmuar edhe nga banorët me ushqime dhe veshje.
Refugjatët e strehuar kanë deklaruar se do të qëndrojnë në Konicë deri në fund të kësaj jave ku do të zhvillohet samiti i vendeve të BE-së, dhe nëse nuk arrihet një marrëveshja, ata do të vazhdojnë rrugën e tyre ku në itinerarin parashikohet edhe kalimi nga Shqipëria. /tesheshi.com/
