Mazhoranca dhe opozita kanë arritur marrëveshje për reformën në Drejtësi. Pasi deputetët e Opozitës thyen bojkotin javën e kaluar duke propozuar emrat e tyre për komisionin e Reformës, tashmë ata janë marrë vesh për modalitetet e tjera.
Ambasadori amerikan, Donald Lu dhe përfaqësuesja e BE-së në Tiranë, Romana Vlahutin duket se janë faktori që ka rezultuar i sukssshëm që palët më në fund, të merren vesh për përbërjen e komisionit dhe vendimmarrjen.
Pas një takimi mes deputetit demokrat, Eduart Halimi dhe atij socialist, Fatmir Xhafa, ky i fundit tha palët u dakordësuan për të vijuar me reformën.
Kryetari i Komisionit të Ligjeve, Fatmir Xhafa sqaroi se do të ngrihet një komision që do të përbëhet nga 10 anëtarë, 5 nga mazhoranca dhe 5 nga opozita.
Deputeti Halimi falënderoi partnerët ndërkombëtarë dhe kryetarin e komisionit që, sipas tij, u tregua fleksibël në arritjen e kësaj marrëveshjeje.
/tesheshi/
