Bisedimet mes mazhorancës dhe opozitës për reformën në drejtësi kanë dështuar sërish.
Shkak i këtij dështimi është bërë mungesa e konsensusit për votat që duhet të zgjedhin anëtarët e Këshillit të Lartë të Gjyqësorit dhe institucioneve të tjera të drejtësisë.
Opozita ka këmbëngulur që këto kandidatura të miratohen në kuvend, me shumicë kushtetuese, prej 93 votash. Ndërsa ekspertët e nivelit të lartë janë të qëndrimit se në kushtet e vështirësisë për të arritur këto vota në Parlamentin shqiptar, ata të zgjidhen me shumicë të cilësuar prej 84 votash. Ky variant është kundërshtuar nga ekspertët e opozitës.
Palët ndahen gjithashtu edhe për variantet e mekanizmave zhbllokues të zgjedhjeve së anëtarëve të gjyqësorit nga Parlamenti.
Ky qëndrim ka ndarë thellësisht palët, duke çuar në largimin e ekspertëve të opozitës nga tryeza, duke lënë të paqartë për mënyrën sesi do të vijojë procesi tani./tesheshi.com/
